Balti - Win Kenou win wallew / بلطي - وين كانوا وين ولاوا [tekst, tłumaczenie i interpretacja piosenki]

[المقدمة]
تصوّر روحك في بلاصة إنسان تشرّد ولاّ هبل
شوف واش ولاّو اليوم ، شوف واش كانوا قبل

[المقطع الأول]
إيجا تشوف الديكور فين تعيش
برشا ناس في الخرب ولاّ عَـ العتب فرشوا كراطن في الكياس
غادي كلاو كان لقاو
غادي يصبح غادي يبات
غاد ياكل الّي كتب فضلة البوبالات
موسخ مالبرّة ما نلوّش عليه مالداخل
تو تلقاه كنز مخبّي تو تلقاه إنسان آخر
أو تلقاه إنسان كان في أحسن الاحوال
أمّا دمّ الناس اليوم خلاّه ياكل مالبوبال
وين تمشي تلقو واحد ولاّ اثنين
تلقى ثلاثة تلقى أربعة تحت الحيط حفيانين
Jeune diplômé تلقى البُو تلقى الأم تلقى الـ
Faculté كان فالذل هبل بطّال ملّي خرج مالـ
تلقى المثّقف جرّب آقف و أحكي معاه
متشرّد أمّا شوف المخ لي ربّي عطاه
و تلقاه فيلسوف كي أفلاطون و سقراط
أمّا الحالة لي وصللها سبابها خانتّوا مرا
كل واحد عندو سبّة كيف البو لي جاب ولاد
Retraite قرّاهم و كبّرهم للّي خرج للـ
بعدما كبر قالوا بونا كبر ، قالوا بونا خش
هزّوه لدار المسنّين في عوض ما يهزّوه للحجّ
تلقى مرا تطلب و قدّامها سْحَن
البو دورو أكثر مالبو مية للّي صدّق و حنّ
عندها ولد فاسد كبير ماعملش فيها الخير
بيّت أمّو مرتو عالحرير بيّت أمّو عالحصير
تلقى جون كمّل قرا جا من ريف لي كابِتال
فرش كرتونة تحت الحيط والغطى جورنال
حال يخدم و يكوّن و يعاون دارهم في البلاد
يخّي جا لقى الكتف المعارف تقضي ماش الديبلومات

[اللازمة]
وين كانوا وين ولاّو
كانوا ناس كيفنا أمّا اليوم مشاو
مشاو في طريق الظلام مشاو لبلاصة وين تنساو مع ليّام

[المقطع الثاني]
تبدا واقف في المحطّة و تستنّى فالكار
تجيك مرا تطلب في يديها صغير وراها زوز صغار
البو مات خلّالهم أرض فيها حرث
الأم تجهل القانون و عموماتهم غاروا عالورث
تلقى الأم لي عندها وليّد بركا
باعت فرادي ذهب باش هو يمشي في حرقة
البابور لي مشا فيه غرقوا هو و لي فيه
أمّو هبلت عليه و لتوّا تستنّا فيه
Physique تاع prof تلقى شكون هاز وراق كان
لابس لبسة شتا كبوت طويل و الحال صيف
طردوه كي شدّوه مع بنيّة قد بنتو
لي أتعس من هذا الكل تلميذة من تلامذتو
تمّا لي تحكي وحّدها الله أعلم مع شكون
مرّة تبكي مرّة تضحك مرّة تحسب فالنجوم
راجلها عمل فيها الشّر للّي وفاو بالطلاق
ما رضاشي بحكم ربّي مرتو ما تجيبش ولاد
فمّا لي كان يعيش البرّة و رَوْحُوا بيه
اليوم حبّ يرجع للطّليان على ساقيه
باع الغبرة ، لم فلوس مشى و غبّرا
فلوس حرام تمشي في الحرام خوذ العبرة
تلقى راجل كبير ظلماتو آخر ليامات
يمشي يطلب في باب الجامع بعد كل صلاة
كان يعيش في دار بنتو راجل بنتو عمل فيه
يخّي هج باش بنتو مع راجلها تعيش في خير
الّي خواتو نكروا فيه الّي مرتو هربت بيه
الّي بنيّة لعبت بيه ، الأستاذ و المدير
أمّي و أمّك بابا و بوك أختي و أختك خويا و خوك
اليوم يمشيو حفيانين في طريق الظلام فوق الشّوك

[اللازمة]

أنا فين
L'album deux mille sept
Baltiroshima, MTMC, [?] okay

[اللازمة]