Bligg - Hilf mir [tekst, tłumaczenie i interpretacja piosenki]

[Part 1]
Bin orientierigslos - jedi Rettig fehlt
Ha min Verstand verlore - hät en öpper gseh?
Mondfinsternis statt Sunneuntergang
Metallicgrau strahlt übers Wunderland

[Bridge]
Kei Gebruchsaleitig wiit und breit - kein Halt - keis Stützrad
Wo mich fangt, wo mich treit falls ich wieder mal ghei und alles i d’Brüch gaht
Schlaflos im Chaos und drum ziehn mer usem Zauberhuet
Betäubigsmittel ide Hoffnig, ich bring d‘ Auge zue

[Hook]
Ich verlüür Kontrolle imne dunkle Traum
Ghei mit de Chnüü uf dä Bode, d‘Wulche grau
Bitte hilf mir - hilf mir wieder uf!
Hilf mir, bitte hilf mir – oh, oh!
Ich verlüür Kontrolle imne dunkle Traum
Ghei mit de Chnüü uf de Bode, d‘Wulche grau
Bitte hilf mir - hilf mir zrugg uf d‘Spur!
Hilf mir, bitte hilf mir – oh, oh!

[Part 2]
Schlepp mich di letschte Meter uf dem lange Wäg
Mit Wunde a mim Körper - prägt vo Schicksalsschläg
Kei Hilf - kein Lüchtturm - nöd mal en Rettigsring
Nur es schwarzes Nüütum, wo mich komplett verschlingt

[Bridge]
S‘Rouletterad träit und mis Schicksal gheit det anne, wo Gott will
Isch es rot - isch es schwarz - oder schtahn ich schtumm vorme Stop-Schild?
Was bliibt, isch d‘Hoffnig, dass dä Winter bald am Früehlig wiicht
Min letschte Glaube ghört zwar Gott, aber glaubt er a mich?

[Hook]

[Part 3]
Ich bin schwach und verfrüüre
D’Glieder voller Schmerze
Han nüüt meh z‘ verlüüre
Langsam schlaht min Herzschlag
Griif s’Schwert mit letschter Chraft
Während Dämonä sich aapirsched
Ich zieh no s‘letscht mal i d’Schlacht
Und gibs denä Biester!
Chumm scho…

[Hook]

[Outro]
Gfange im Labyrinth - da füehrt kein Wäg usä
S‘isch bitter chalt da drin - ich gseh dä Stäg nümme
Bruuch dini Hilf und hoff dass‘d mi ghörsch
Gfange im Labyrinth - da füehrt kein Wäg usä
S‘isch bitter chalt da drin - ich gseh dä Stäg nümme
Bruuch dini Hilf, allei schaffis nöd