E Money - La Rahata Fil Donya [tekst, tłumaczenie i interpretacja piosenki]

لا راحة فى الدنيا كله شقا ... لا راحة فى الدنيا كله شقا شقا
أهلاً بيك فى مدرسة الزمن
_______________
أنا رحت هنا وعشت هناك وحرب الأفكار فى أشتباك
لازم أجيب الكاشات ولازم أفك الازمات
فتما ظهور الطرق السهلة السريعة فى أقل من ثانية
أساليب تانية لما تبقى الدنيا على رقبتك دايسة

زى ما هيا عايزة لما تلاقيك راكيك فتربيك
علشان تليق مع مقاس الدنيا لما تضيق
اصل ياتؤمن بنفسك يايكون فى جرح دافعك
يكسرلك كل قانون يقابلك يقلبلك طريقك عكسك

ركز .. الدنيا مسألة حسابية ليك وليها
أن رزقك مش هياخدة غيرك حلال أو حرام
فصدقنى زى ما أنا مصدق الكاش أخره آش (ash)
عنه منستغناش لكنه مخلاش اي مريض عاش

أصلك مصير ومخير
دى مسألة نسبه وتناسب مع يوم بيتغير..حذرتك
متخليش الغلاف يغالب بص فى الأوراق وراقب
ورا كل شىء سبب من ربك غايب

بتشقى علشان تبقى مش عارف تهدى بتحاول ترسى
اصلى
لا راحه فى الدنيا كله شقى وقوانين الحياة ملهاش تغيير

فأمتى لحلمك تلقى وراحتك تملا بحياتك ترضى
قصدى
لو لا طاقة للحلم الفرح أتنسى أفتكر الصبر مفتاح الفرج فيه التفسير

بتحس بحلمك وبتحبه فبتحاول تخططلة
بس حوليك أمكانيات محدودة أنك تحققة
فبتجربهم بمدى نفعهم وتأقلمهم
ما انت لسه بتعرفهم ومحتاج تفهمهم

ومنهم بتلاقى صعوبتهم لأمتلاكهم
فبتسبهم مع أن غيرهم شبهم فأستنتجهم
ضغوط نفسية أشمعنا راحت ليه ومجتش ليا
ليه النتيجة الفشل أنا عملت اللى عليا

متحولش تستخدم أحباطك كبديل للتبرير
أحنا سبب مشاكلنا ماتبقاش سهل التأثير
دة الزمن طريقه طويل بحكام بلا قانون
وصعب تعدى الا برصيد كبير من الهموم

فأقف قوم أدفع الرسوم
لأنه الحل الوحيد اللى يخليك تستلم اللى بأيدك مرسوم
وأدى لنفسك مساحة تفهم أنك خطاء
وأشترط على نفسك أنك تتعلم من الأخطاء

بتشقى علشان تبقى مش عارف تهدى بتحاول ترسى
اصلى
لا راحه فى الدنيا كله شقى وقوانين الحياة ملهاش تغيير

فأمتى لحلمك تلقى وراحتك تملا بحياتك ترضى
قصدى
لو لا طاقة للحلم الفرح أتنسى أفتكر الصبر مفتاح الفرج فيه التفسير
الناهية

قالوا الغاية تبرر الوسيلة
براءة أختراع لناس مفيش فى أيديهم حيلة
ومن عيون الناس كونو نهر دموع المدينة
ودة بسبب أن النفس سابقة بخطوة قبلينا

ليه .. باصص تحت رجليه وعايز يملا أيديه
باللى محتاجة ننى عينيه وناسى الواجب اللى عليه
ماحياتك تمثيلية هزلية و شخصية إنتقالية
بين مسرحية عاطفية وانعدام المسئولية

عايشها فى الا لا لاند مدمن الرفاهية
ومش هتفوق الا لما تكون عند "مكسور النفسية"
اصله جعل لكم من الضعف قوة
وبعد القوة ضعف وشيبة لانه هو

الخالق الرازق المجيب العليم
الحكم العدل الحكيم مالك الملك العظيم
الوكيل الشهيد الحق الهادى الغفار الرحيم
فأوعى فى يوم تنسى القدر المقتدر يالى مخلوق من طين

بتشقى علشان تبقى مش عارف تهدى بتحاول ترسى
اصلى
لا راحه فى الدنيا كله شقى وقوانين الحياة ملهاش تغيير
فأمتى لحلمك تلقى وراحتك تملا بحياتك ترضى
قصدى
لو لا طاقة للحلم الفرح أتنسى أفتكر الصبر مفتاح الفرج فيه التفسير