El Général - Rayes Lebled 2 رايس البلاد [tekst, tłumaczenie i interpretacja piosenki]

[المقطع الأول]
ياخي عملنا ثورة باش إنت تكون رايس البلاد
كنت كيف العباد هارب و مڤطّع من البلاد
بلادي تتعذّب تتوجّع كل مرّة بطريقة
بلادي و بلادك باش تموت لازمها زرّيقة
تي حسّو بينا رانا كرهنا الإستبداد
رانا فدّينا من الكذب من كلامكم المعاود
الشّعب يعاني حتّى السّاقين حفات
البو عينيه بكات يشوف في صغارو بايتة من غير ما كلات
مأساة البلاد قريب تتشمّع
حكومة لاهية في الفلوس تجمّع
معلابالهمشي الزّوالي بايت عينيه إدّمع
بالقمع،كلها في صورة بعضها تلمّع
شنوّا الفرق بينكم و بين التّجمع
شبيكم فقدتو السّمع ! ولّا صوت الثّورة معادش يسمّع ؟
كذبتو علينا فيبالنا عملنا ثورة منها شي ما لقينا
للحرّية جرينا كان الهمّ جنينا

[اللازمة]
رايس البلاد رانا فدّينا من القمع و الإستبداد
أهبط شوف شقاعد صاير في البلاد
شعبك مات حتى الخبزة علينا غلات
عفصونا بالصبّاط و ڤلوبنا تكوات
مازلنا نعيشو في نفس المعاناة
عملنا ثورة فيبالنا تونس زهات
ناس ماتت باش ناس اليوم حيات
فيبالنا دكتاتوريّة و مشات

[المقطع الثاني]
ملصوقي شبيك ما كتبتش إسمك في الكتاب الأسود
ماهي تونس خبزة ڤطّو و عليكم تقسمت
تونس ظايعة فكّوها بالسّيف
كثرت اليدين عليها بين مسّخ و نظيف
تونس بنيّة صغيرة كثرو عليها الخطّاب
كل واحد فيكم حالل في وجهها الأبواب
خرّجنا طرابلسية جبنا طرابلسية جدد
هوما في قصر الرئّاسة و أحنا تحت الحيط في البرد
ولادنا ماتو في البحر خرجو طيّشو الورد
عطيناكم ثيقتنا قتلتو ثورتنا بالفرد
نشوف في بلادي عمّال ماشية بالتّوالي
ياخي هاذي حكومة ثورة ولّا حكومة بن علي ؟
حتّى كرز البلاد مايحبّوش تهنى البلاد
يحبّوها بلاد فساد و هوما يدوّرو الإقتصاد
من حزب النّخلة sponsorisé هاكا علاش تلقاهم
يتعاركو على تونس شكون يدخل ليلة الدٌخلة

[اللازمة]
رايس البلاد رانا فدّينا من القمع و الإستبداد
أهبط شوف شقاعد صاير في البلاد
شعبك مات حتى الخبزة علينا غلات
عفصونا بالصبّاط و ڤلوبنا تكوات
مازلنا نعيشو في نفس المعاناة
عملنا ثورة فيبالنا تونس زهات
ناس ماتت باش ناس اليوم حيات
فيبالنا دكتاتوريّة و مشات

[المقطع الثالث]
التٌونسي كره بلادو زيد السّياسة وفاتو
الحكومة كلاتلو حقّو طيّشتّو و رماتو
بعد الثّورة باش يتبدّل حالو هذا شماشي في بالو
طلع الكلّو كذب يطلّعولو في مورالو
حبّينا بلادنا تكون كيما حبّيناها تكون
شعبو يخون jamais رئيس يصون بلادو و
خسارة ثورة الياسمين تباعت بأرخص الأسوام
زادو قتلوها حكمو عليها بالإعدام
أرجع للتّاريخ تلقى تونس من أوّلها فساد
الحكاية بدات إغتيال فرحات حشّاد
من غادي..ولاد الكلاب باعو الثّروات
زادو بلعو البلاد مع العالم بالقروضات
بلادي تستغيث..هل منكم مجيب ؟
اللٌعبة شكّانات كل واحد شيطان في الجّيب
اليوم نحب الشّعب يكمّل الثّورة للأخّر..
قبل ما تونس توخّر و الثّورة تتبخّر

[اللازمة]
رايس البلاد رانا فدّينا من القمع و الإستبداد
أهبط شوف شقاعد صاير في البلاد
شعبك مات حتى الخبزة علينا غلات
عفصونا بالصبّاط و ڤلوبنا تكوات
مازلنا نعيشو في نفس المعاناة
عملنا ثورة فيبالنا تونس زهات
ناس ماتت باش ناس اليوم حيات
فيبالنا دكتاتوريّة و مشات