Ill-Yes - Déjà Vu [tekst, tłumaczenie i interpretacja piosenki]

[اللازمة]
هارب من الواقع حَكمك في منامك
Déjà déjà vu
كل يوم يزيد يتبحّر تخمامك
Déjà déjà vu
بين البارح و اليوم ما ولّيتْ تفرَّقْ
Déjà déjà vu
وقتاش القنطة مْـ صدري تفارقْ
Déjà déjà vu

[المقطع الأول]
حكاية اليوم حكاية كل يوم
لازم تشوف من كل لون Arc en ciel و الحياة
مي شكون نلومْ ، روتين وحدة لْربعين مليون
تلقى دمُّو سخون مي القلب ضيّق سيلون
تنقصيلو لي ما عندو إيه
مام لي لاباس بيهْ ولّى يبكي مع القلّيل ما عندو
كاش جديد ؟ والو
الخوف يجرّي ، الفقر يعرّي و ليسْبْوَارْ طايح سروالو
في ميزيرية كحلة Humour noir
الفقر في الراس ماشي في الجيب لا لا ربحنا
الحصول شي ما تبدّل كي العادة
! عايش حياتي شحال من مرة واش هذا on dirait
ما تفيد فينا تربية ولاّ إعادة
الي بيا و بيكْ نشوفو في طورو سعادة
ترودوبلي هنايا حكاية وحدة تتعاود
فيلمي الجورنية ، دير ريبلاي و عاود

[اللازمة]

[المقطع الثاني]
كلامك لْباسْ تخمامك بلا ما تَسْتِيكِي لسانكْ
و الناس على واش راك لابس برك تساومك
واش عمبالك كي نضحكلك ما نيش مهنّي
حوّس على كوتي تاع "لايس برغ" لي ما بانلك
الله يبارك نتا كيما عرفتك مازالك
ماشي كي لي قَتلك اليوم و غدوة جا عزّالكْ
هي تسّنا في الخاتم تحسب في الكالوندريه
و أنا نحلم بخواتم في لاكالوندر تبريي
كيفاش نْفَهمك ، بعاد على السونتيمونتال
Ma santé mentale والفنا القعاد كل يوم *** في
متزوّج بامرة وحدة و اسمها الروتين
Abruti دوام يثقب الرخام و من التخمام تولّي
على نار دافية تموت براحتك
المهم يجوز وقتك ما عليش تقعر صحتك
ما تقولش أني نصحتك في قالب واحد يتعاود
فيلمي الجورنية ، دير ريبلاي و عاود