Promar - Mn Mkany New Version [tekst, tłumaczenie i interpretacja piosenki]

من جوايا احترت ومن الناس احبطت
فضميرى قالى اصحى قبل ما العمر يتجر
ففكرت وقررت وللى يعطلنى بطلت
وللنفوسة المريضة بعدت عنهم وليهم خسرت
فتألمت . لما شوفتهم بعين الحقيقة
فالحقايق بانت ادامى لما اختفت المظاهر
والظاهر ان المظاهر بين الناس بقت خداعة
وضماير الناس فى الدنيا بأرخص تمن متباعة
مش ندمان ولا زعلان على اللـ حصل فى حياتى
الماضى ماضى عدا وانهاردة يوم ميلادى
من جديد بأرادة حجر وقلب من حديد شديد بطل لشغل الحنيه والتضبيط
فحياتى هعيشها غصب عنهم بأسلوبى
المعاملة بالمثل فى الحياه دة قانونى
فمهما يلومونى او فى يوم احتاجونى
اللـ شايفه صح هعمله ومش طالب تعذرونى


من مكانى انا بطل افيش سينمائى
من مكانى مجهول فى شهاده ميلادى
من مكانى اعتقادى احترامى ملك نفوس الناس
بدور علـ اللـ شل فيا الأحساس

من مكانى انا بطل افيش سينمائى
من مكانى مجهول فى شهاده ميلادى
من مكانى اعتقادى احترامى ملك نفوس الناس
بدور علـ اللـ شل فيا الأحساس


لمونى كتير .. ان سبب ضعفى هو طيبتى
لكن طيبتى فى نفس الوقت كانت هيا قوتى
وغلطتى انى ضيعت من ادام عنيا فرصتى
وفـ بلدنا اللـ راح قبلنى تانى لو رجع
انا والناس ماشيين فى الدنيا فيها ورا البدع
والصح صح فى الدماغ لكن فى التنفيذ وجع
خود حوار وهات حوار وكله ماشى بالخدع
توهونى ضيعونى وفـ مخى سممونى
يغلطوا واسامح وفـ الأخر يجوا يلومونى
ملعون ابوكم ابعدم كلكم سيبونى
ادور على الصحيح الصح اللـ يصح يتعمل
حياتى فيلمى حقى اخد فيها دور البطل
سيناريو هكتبه فى الدنيا بمجهودى لوحدى
وهعمل اللـ شايفة صح ليا براحتى
هدور وهسعى وهعمل كل شىء جديد
وحلمى هحققه مهما كان الطريق بعيد


من مكانى انا بطل افيش سينمائى
من مكانى مجهول فى شهاده ميلادى
من مكانى اعتقادى احترامى ملك نفوس الناس
بدور علـ اللـ شل فيا الأحساس

من مكانى انا بطل افيش سينمائى
من مكانى مجهول فى شهاده ميلادى
من مكانى اعتقادى احترامى ملك نفوس الناس
بدور علـ اللـ شل فيا الأحساس