Rabah MBS (رابح) - Wach rakoum /واش راكم [tekst, tłumaczenie i interpretacja piosenki]

[الدخلة]
وش راكوم
وش لحوال
جينا نسقسيو عليكم أسيدي
ça va

[المقطع الأول]
ڨولي دوك وش راك وش راهم الدار
لعجوز صحيحا ولا مزال فالسبيتار
الشيخ مزال معا الدومين اشيخ
إنشاء الله هو ثاني صحيح
لهوا مخسر ولا مليح
الطفل كاش خرجلك قاري ولا قبيح
واش راهي الحومة ولش راه الدوار
واش راه الحوش لسيتي لريزيدونس
البارتما الشالي لتونت والغار
واش راهم الجيران واش راهم أولاد حوما
واش راهم السكان
لقطوطة لڨللوات والفيران
L'électroménager واش راه
كش مزدد كش جديد كش فريقور مبراتي
ولفريڨور مزالو راجي غير احل فمو يخرج منو لعيب
سيريو قولي واش راه الجيب
فيراو ولا مزال ڨريب
وش راهم لماعين
مصارن فارغين يشكو ولا معمرين طواجن
معمرين دواجن
ولا بلاش ولي جا لخر كلا ولا مكلاش
نسقسيك على ليجان واش راه العيد واش راه رمضان
كشما عطاولو لكارتا لشعبان ولعاشور أصاحبي ڨالولي مهوش ابان
واش راه ليليكتريسيان وش راه لمكسيان
واش راه الفيس القهواجي الخباز ولبان
أحوال الفنجان قهاوي خفاف ولا ڨدرون بنان
والريم تاع هذ السمانة طري ولا عيان
والجدد كيما لي جوند جابو رواحهم ڨولي ولاو سمان
خلينا من الدخان حكيلي على التشينة وش راه البنان
والبطاطا ولات بثلاثة بألف كيما زمان
حكيلي على حمود بوعلام مزال رافد علام توجاه المريكان
والسي فيليبس مطغاش على أونيام
ورابح مقضاش على إيمينام
واش راه الكوشمار وش راه لمنام
واش راهي العقلية الفيس والتخمام
واش راهم لجرانن مزال ازيدوا في لكلام
DGSN و DRS واش راهم
FLN و les intégristes،RCD و RND واش راه
ولش حوال حرية التعبير الاستيراد والتصدير وحقوق الإنسان
خلينا من البوليتيك واش حوال لا تيليفيزيون
مزالت كادر ولا نوعو فليزيميسيون
عندي بزاف مشفتهاش نحهالي الطبيب منحملهاش
Six premier division والفوتبال مزال كيف كيف من
واش راه زغدود مفتاح ودزيري
عمور ياصاف غازي ولي كوتش كيما بن زكري
ولش راهي الموسيقى عمري
الراب جاب بلاستو ولا مزال مغلوقين كيما بكري
حط وذنك برك تڨول رايك متدري
علمها شويا تجري
ڨولي وش راه لبرا طياح
مزال دراري صغار قباح
وش راه لقدر لزواج مزال يخدو الراي
ولكبار مزال تجياح
ولحيوط مزال ضاربين النّح
واش راهي الضوء تريسيتي متحكيليش عليها افيتي
واش راه الماء مزال اخشن ولا سرحتلوا السماء
وهاذ الشتا ڨولي أصميد ولا يحمى
وفصيف كاش ما جازو جبايكات
لي بلاك تاع المازوت ولات كومام العوما
ڨولي واش راكم نتوما
واش راه لبحر لجبل والصحراء
لحجرة الشجرة الغبرة
حبسوا لڨراف في ليسي ولات الناس زعما تقرا
واش راهم لمقلمة والصبورة
راهم سبغينهم كحولة ولا خضورة
وش راه التاريخ مزال محرف
والشيخ تاع العربية مزال اخرف
سالي على لي جابد روحو من لور مطرف
حكيلي على المناطق المعزولة
على الرصاص البومبات ولقتيلة
بند السلام بعث الوئام
وشحال من بوشي مزال خدام
حكيلي على لقلب الكبدا والمورال
حكيلي على الدراري النسا والرجال
حكيلي على لميموار
(كشافة لي طاحو في مستغانم)
الله يرحمهم تشفا شحال كانو صغار
والطريق مزال فيها الخطار
واش راهي الروبولت لمعاودة والتكرار
واش راهي لهريسة والحار
لي يشعل فيه النار
لعدس واللوبيا الميرلو ادى صحلك وش صار
خلينا من الماكلا نولو شويا لدار
حقا ڨولي بين ما راني نسجل
أحكيلي على المنزل
وشراهم الشوالق الصبابط والتشباشق
وش راه الصابون
كاش زبدة كاش معجون
La bibliothèque وش راهي
Les bibelots مزال فيها غير السرفيس و
ولا تعمرت كتابات ولا تريڨلو
وش راهم ثاني لكتابات
سال عليهم لطريڨ بيهم ملاڨات
وش عييت رابح
وشنو
ريح ريح
مانيش حابس
ڨولي فلقرايا وين لحقت
حوزوك الشّح
ڨولي كاش راك تجوز الوقت
واش راهم الزرابت ولبواس
وش راهم سبيتارات الكوميساريات ولحباس
وش راهم لي بارو جوامع
كاش بنيان مشارع
كاش أبيار كاش أديال كاش خلايع
كاش طلاق كاش زواج كاش مسامع
كاش مونڨو سم ولا بولينا
كاش مصيبة جديدة جايا تدينا
Conjonctivite كاش
Branchite كاش
كاش زلزلة كاش طاعون
كاش ننساو بونون
كاش نشفاو كاش قانون
كاش مهبول جديد نتالبوه
كاش ديفيلي مليح نتبعوه
كاش دخلات كاش خرجات كاش مدامات ولا تبتو
كاش من جديد كاش ما جبتوا
كاش لي ماتش كاش تورنوا
كاش رولما ، بنو ولا كوروا
كاش لي سونس تاع مجاهدين
كاش خبر على لمسافرين
وش راهي الغيرة لحسد والعين
كاش مبان حب وظرافة نية ولا ضيافة
كاش فوط كاش دراهم
سالي على لي داروهم تعون الشر ادى كنت معاهم
حكيلي على الدينار بشحال راهو يشري الأورو
واش راهي الألف فرانك الهوبا ولميادورو
نذكروا بلخير دورو
فذاك الوقت تاع تورو
الواحد يتوحش صغروا
أهدرلي على الكابتن ماجد
دونكيشوت و زورو
سال على المقام كي تزورو
حقا وش راهي الصبلات
واد الحراش سان ميزون وليتور لتبنات
مزال مرابت la casbah و
ولعقيبة كيفاه ولات
واش راه الميترو لايروبور الجديد
ولوتوروت تاع لواست مزال الغرب بعيد
كاش ما خلصوا عليهم
أهدرلي على المفيد
قولي من داخل واش الحاكم
قبل ما يخلاص الفيلم يخلاص الريتم
ڨولي واش راكم