Sedeek - صدّيق - Draft [tekst, tłumaczenie i interpretacja piosenki]

مفيش أبسط من كدة ..بال هادى وشط وشتا
زهقت خلاص من عيشة فيها طموحاتى متشتتة
للى جاى عملت ايه ..الماضى فات غلطت فيه
كل حلو خلاص اتنسى حتى الوعد خلفت بيه
واتعجب من الاحوال إزاى الصمت يبقى الأنسب
جوايا إنسان محدش شافه عايز ياخد حقه بمخلب
عايز يكون حدوده السما عايز فى وقت الجد يضحك
عايز يكون ملك زمامه مش هامه بس أعدى واسلك
ملعون أبو اللى مادقش جوعى ولا سندنى وقت وقوعى
صعب يفهم حالتى إيه وأنا باشق السكة بكوعى
يا عينى ابكى ومتخبيش دول سقونا الذل عزة
يا قلبى اسكت ومتحكيش تحكى ليه لناس مش حاسة ؟
ميزونا بالنجوم فى الكشكول او عالكتاف
وانا ملهى تايه باللى فيا ولا مين سمع ولا مين شاف
بدون معالم للكلام ..الله عالم بالختام
الله غالب فى اللى جاى بانادى باسمه باقول سلام