Walther von der Vogelweide - Ich hân min lêhen [tekst, tłumaczenie i interpretacja piosenki]

Ich hân mîn lêhen, al die werlt, ich hân mîn lêhen

Nû entfürhte ich niht den hornunc an die zêhen

Und will alle boese hêrren dester minre flêhen

Der edel künec, der milte künec hât mich berâten

Daz ich den sumer luft und in dem winter hitze hân

Mîn nâhgeburen dunke ich verre baz getân:

Sie sehent mich niht mêr an in butzen wîs als sî wîlent tâten

Ich bin ze lange arm gewesen ân mînen danc

Ich was sô voller scheltens daz mîn âten stanc:

Daz hât der künec gemachet reine, und dar zuo mînen sanc