Tekst piosenki
Facebook und Twitter sind wie dis Tagebuech
Und dier isch gliich wänn Big Brother uf dich abegluegt
Mir wänd eus underhalte – sie wänd eus dunde bhalte
Alles wüsse vo politischer Meinig bis Konsumverhalte
Jede wott sich doch nur na krasser profiliere
Zum ihri Macht na z’demonstriere wänds eus kategoriesere
Phone azapfe, Mails läse – alles nöd so tragisch
Chasch di frei bewege, din Name isch nöd arabisch
Du häsch ja nüt z’verberge und s’hät dier nüt gschadt
Aber dänk mal dra: Orwell 1984
Sie halted eus dumm und sie schaltet eus Stumm
Du muesch gar kei Angscht ha, das passiert alles useme Grund
Und natürlich ghört dä Snowden für sie is Gfängnis
Bitz komischi vorstellig vo Demokratieverständnis
Wämmer alli zäme schreid dänn ghöreds eus
Ziit zum öppis ändere – Empöred eu! (aber nei)
Refrain:
Hauptsach – en sichere Job und chli Gäld uf dä Siite
Du weisch – vieles lauft falsch – aber d’Wält dräht sich wiiter
Hauptsach – vier Wuche Ferie und Abschüsse am Wuchenänd
Isch doch alles gar nöd so schlimm – schlussamänd
Häsch en sichere Job und chli Gäld uf dä Siite
Du weisch – vieles lauft falsch – aber d’Wält dräht sich wiiter
Hauptsach – vier Wuche Ferie und Abschüsse am Wuchenänd
Isch doch alles gar nöd so schlimm – schlussamänd
Komentarze (0)